مأذون شرعي : إشهاد الطلاق لا يلغى بعد توقيع الزوج و الزوجة و لا يقطع الاوراق كما يظن الناس
مأذون شرعي مصر : اغلب المطلقات ندموا بعد الطلاق ... وماذا بعد الطلاق الا الطلاق مرة ثانية و ثالثة .....الخ
كثير من حالات الطلاق عند المأذون الشرعي تكون بسبب غضب من الزوجين يترتب عليها قرار الطلاق . نسبة الطلاق بسبب غضب الزوجين لاسباب تافه و لمجرد العناد بتكون بنسبة 80 % من حالات الطلاق عند مأذون الشرعي . قرار الطلاق من الزوج او الزوجة بنسبة لا تقل عن 80 يعقبها ندم شديد للاستعجال من قبل الزوجين . نسبة 60 % من المطلقين عقب الطلاق والانتهاء من التوقيع عند الماذون الشرعي و اتمام صيغة الطلاق الشرعية يطلب من الماذون الغاء الطلاق .
 |
مأذون شرعي : إشهاد الطلاق لا يلغى بعد توقيع الزوج و الزوجة و لا يقطع الاوراق كما يظن الناس |
هل يجوز إلغاء الطلاق بعد التوقيع علي الطلاق :
- اشهاد الطلاق اشهاد علي ورق رسمي صادر من دفتر الطلاق الصادر من المحكمة .
- اشهاد الطلاق له رقم خاص بالوثيقة و رقم دفتر الطلاق المطبوع علي اشهاد الطلاق .
- اشهاد الطلاق ورق له علامة مائية لا يجوز تقليده و يصعب تقليده .
- تقطيع الاوراق كما يقول الناس امر لا يجوز ولا يقدر اي مأذون تقطيع الاوراق والا تم احالته للنيابة العامة و يعتبر الامر جناية يعاقب عليها جنائيا .
لذلك وجب علي كل زوجة تصر علي الطلاق ان تسال نفسها عدة اسئلة قبل الطلاق عند الماذون :
هل الطلاق هو الحل للمشاكل ؟
هتعملي إيه بعد الطلاق ؟!
وايه مصير اولادك اللي هما اغلي حاجة في حياتك ؟
الناس اللى كانوا حواليا وبيشجوكي علي الطلاق و بيسلطوكي علي زوجك , فين هما بعد الطلاق ؟!
فلوس الطلاق اللي اخذتيها هتتصرف علي حاجات تافة و هتعملي ايه بعدها ؟!
ايه قيمة قائمة المنقولات اللي اخذتيها و هتعوضك بايه عن بيت و اسرتك اللي اتهدمت ؟!
ولازم تتطلبي من نفسك عدة طلبات وتسألي نفسك و تقولها :
طب ما أنا كنت ممكن أتحمل شوية عشان خاطر اولادي و اسرتي !!
ما دلوقتى برضو مش مرتاحة بعد الطلاق و ان انا اطلقت عشان ارتاح وانا مش مرتاحه ...
طب يا ترا هاعرف أعيش مع شخص تاني و ابعد عن اولادي ؟!
هل هيكون أمين عليا وعلى عيالي ويعاملهم معاملة كويسه ؟
طب لو كملت لوحدى هابقى سعيده و اقدر اواجه حياتي و مشاكل الحياة الصعبة .
مأذون شرعي مصر : يجب على الزوج و الزوجة ان يتحملوا بعض شوية .
ممكن الزوج يتحمل الزوجة شوية و الزوجة تتحمل الزوج شوية . و المركب تمشي .
لأن أغلب حالات الأنفصال بتكون بسبب امور و كلام من الزوج و الزوجة تافهه وبسيطة يمكن علاجها و التغاضي عنها .
مفيش زوج ملاك و لا زوجة ملاك , كلنا فينا عيوب و كلنا أخطاء . ولا تنسى حديث النبي لا يفرك مؤمن مؤمنة ان كرها منها خلق رضي منها اخر .
ممكن يكون انسان عصبي بس طيب ، ومش معنى انه طيب انه ضعيف . لكن ممكن يكون انسان بيحب السلام ولو علي حساب تنازله عن حقه او جزء من حقه .
هى ممكن تهمل نفسها ( جسمها مليان ) بسبب انشغالها بالاولاد , ممكن تلفت انتبها بطريقة لطيفه ولا تنسى أن ممكن يكون دمها خفيف.
ماذون شرعي مصر بيقدم نصائح للزوج و الزوجة قبل الطلاق
طب ( هى جميلة) بس عنيده . بس للعمل العناد صفة غير حميدة بالمرأة , اسوء عيوب المرأة هي العناد , و المرأة الزكية لا تعاند زوجها انما تستعمل معه طريقة القوى الناعمة .
لا تنسوا ان العناد يولد عناد , وجميع الاطراف خسرانه في العناد .
محدش كامل يا جماعة ، واحنا بنختار اللى يكملنا مش اللى شبهنا ،
المهم إننا لازم نفهم إنك مش هتاخد من الدنيا كل اللى أنت عايزه بالملى .
اي قرار بتاخده وانت غضبان و عصبي مليون بالمية بيكون خطأ لانه تحت ضغوط نفسية و عصبية .
و كل اللي بيشجعوكي علي الطلاق محدش فاضيلك
محدش فاضى لكم , مشاكلكم حلوها مع بعض بدون تدخل احد و اتعلموا كده .
اعرفوا أن محدش بيشيل هم حد . وان الأسرة مركب بيمشي بتجديف الزوج و الزوجة .
محدش بيربى عيال حد . الاولاد هما ضحية الطلاق . الخاسر الاكبر هم الاولاد . حافظوا علي اولادكم .
لازم تحافظوا على بيوتكم و اسرتكم و اولادكم .
لازم نستحمل بعض ونصبر علي بعض و نطول بالنا علي بعض .
خراب البيوت مصيبه .و قد يكون عمار البيوت بكلمة طيبة و تنازل بسيط المركب بتمشي .
الحياة الزوجية محتاجة صبر من الزوج و الزوجة , فصبرا جميل و الله المستعان .
ارسل سؤالك هنا ((اسأل المأذون الشرعي ))
لسرعة الرد اضغط وتساب